फिल्म ‘मेरो आफ्नो’ वितरण गर्दै एफडी
काठमाडौं । राजु अधिकारीको निर्देशक रहेको फिल्म हो ‘मेरो आफ्नो’ । सामाजिक प्रेमकथामा निर्माण भएको फिल्ममा केवलजंग कुँवर, सुजाता थापा, नरेश पौडेल, रुपा राना, शंकर आचार्य, रमेश अधिकारी, सिपी बस्नेत, रिया श्रेष्ठलगायतको अभिनय रहेको छ ।
प्रदर्शन मिति तय हुन बाँकी रहेको फिल्मको वितरण जिम्मा भने उपत्यकाका लागि बिके फिल्म र उपत्यका बाहिर एफ.डि कम्पनीले लिएको छ । निर्माण युनिट र वितरण कम्पनीबीच बुधबार सम्झौता भएको छ । फिल्म वर्ष २०७७ भित्र प्रदर्शनमा आउने निर्माता मौनता श्रेष्ठले बताए । ‘फिल्मी रिलिजको माहोल भर्खर बन्न लागेको छ’ श्रेष्ठले भने, ‘माहोल हेरेर यसै बर्षभित्र यो फिल्म रिलिज गर्ने योजना मेरो पनि रहेको छ ।’
ओम शाही भक्त मुभिजको ब्यानरमा निर्माण भएको फिल्ममा बसन्त शर्मा, धिरज श्रेष्ठ, निलु केसी, मौनता श्रेष्ठ निर्माता रहेका छन् । निर्माता मौनता श्रेष्ठकै लेखन रहेको फिल्ममा ताराप्रकाश लिम्बुको संगीत, कमल राई, रामजी लामिछाने र किरणको नृत्य, हिमाल केसीको द्वन्द्व र पवन सुवेदीको छायाँकन तथा मन्डिल श्रेष्ठको सम्पादन रहेको छ । फिल्मका प्रस्तुतकर्ता श्रीराम बराल रहेका छन् ।
